Game naman daw magbigay, Daniel… KATHRYN: SECOND CHANCE, CHOICE, ‘DI OBLIGASYON

ni Vinia Vivar @Frankly Speaking | Oct. 20, 2024

Photo: @bernardokath - Instagram

Parehong naniniwala sa second chances and forgiveness ang mga bida ng Hello, Love Again (HLA) na sina Alden Richards and Kathryn Bernardo.

Sa grand mediacon ng HLA na ginanap last Thursday ay isa ito sa mga naitanong sa KathDen since the movie is also about second chances and forgiveness.

Ayon kay Alden, “Simplehan ko lang ‘yung answer dito – kung Diyos nga, nagpapatawad, ‘di ba? Why not?”

Dagdag pa ng aktor, “Ako, ‘yun lang kasi ang mantra ko sa buhay, ‘di ba? Especially, you know, people tend to make mistakes over and over again, you know, sometimes, hindi naman natin maiwasan talaga na meron at meron tayong magagawa na ikasasama ng loob ng ibang tao.”

Para naman kay Kathryn, lahat naman daw tayo ay nais mabigyan ng second chance kapag nagkakamali.

“We all hope for a second chance, definitely. Lahat tayo, tao lang, human beings. Even ako sa sarili ko, alam ko na magkakamali at magkakamali ako, makaka-disappoint ako ng tao whether it’s intentional or unintentional. Given ‘yun, tao tayo, eh, nagkakamali,” pahayag ng aktres.

“Ako, personally, I’d do anything to be given that second chance, that opportunity to correct my wrongdoings, to rebuild relationships, I guess, and maybe to regain trust. All these things, lahat ‘yun, part ng forgiveness, siyempre,” dagdag pa niya.

Pero siyempre, hindi naman daw tayo pare-pareho ng pananaw pagdating sa ganitong bagay.

“We have to remember, we’re all different. Some people can give a second chance like Tisoy (Alden), some can give multiple chances, and some won’t. And that’s okay and we have to respect that kasi iba-iba naman tayong tao, so depende talaga siya sa sitwasyon,” aniya.

Giit din ng aktres, hindi raw obligasyon ng isang tao ang magbigay ng second chance or forgiveness.

“For me, lagi kong iniisip na forgiveness or second chances isn’t an obligation, it’s a choice and it’s a gift.

“So, kapag ibinigay sa ‘yo ‘yun ng tao, it’s a privilege. Just like any gift, you have to take care of that and you have to earn that gift,” pahayag ni Kath.

---

NAGLABAS ng official statement ang kampo ni Judy Ann Santos tungkol sa isang Facebook account na ginagamit ang pangalan ng aktres.

Ayon sa post ng official Instagram (IG) account ni Juday, hindi raw pag-aari ng aktres o ng kanyang management ang FB page na Judy Ann Santos-Agoncillo Fans.

“This is to inform the public that Judy Ann Santos-Agoncillo Fans is not the official account of Judy Ann Santos. Any posts made here are not from her or her management,” pahayag ng officialjudayph.

Nakiusap din ang kampo ni Juday na i-report ang anumang makikitang pekeng account ng aktres.

“Please report any suspicious accounts and follow our pages for real updates listed below. Thank you for your support,” saad pa sa post at sa ibaba ay nakalagay nga ang mga official accounts ni Juday sa social media.

Ang nakakaloka ay may 3.4 million followers na ang nasabing fake account kaya naman marami ang naniniwala na kay Judy Ann Santos nga talaga ito.

‘Kaloka!