Fighter plane galing sa Brazil, dumating na sa ‘Pinas

ni Thea Janica Teh | September 21, 2020

Nakatanggap ng fighter plane ang Philippine Air Force mula sa Empresa Brasiliera de

Aeronáutica (Embraer SA) ng Brazil nitong Linggo, ayon sa Department of Foreign Affairs

(DFA).

Ang pagbibigay ng aircraft ay bahagi ng revised Armed Forces of the Philippines

Modernization Program (AFPMP).

Apat na units ng Close Air Support Aircraft (A-29 Super Tucano) mula sa Brazilian

aerospace conglomerate Embraer SA ang dumating sa Clark International Airport noong

Sabado, Setyembre 19. Bukod pa rito, may dalawa pang parating ngayong linggo.

Ang Embraer SA ay pangatlo sa pinakamalaking gawaan ng civil, military at executive

aircraft sa buong mundo.

Nakipagtulungan ang Philippine Embassy sa Brasilia upang maayos ang flight at iba pang kailangang requirements kasama ang Embraer SA sa pagpapadala ng aircraft sa bansa.