English term, pasado raw… SIGAW NI TONI FOWLER: ‘DI BASTOS ANG SALITANG ‘PUKE’

ni Janiz Navida @Special Article | January 31, 2026

Photo: FB Toni Fowler

Usap-usapan online ang pananaw ng vlogger-singer na si Toni Fowler matapos nilang pag-usapan ang paggamit ng ilang Tagalog words na tumutukoy sa maseselang parte ng katawan. 

Sa panayam ni Rico Robles, sey ni Toni, ang kanyang pagiging liberated o open sa salita at kilos ay nagiging dahilan kung bakit lagi siyang bina-bash online.

Lalo na nang ilabas niya ang dalawa sa kanyang mga kanta na M.P.L. (Mal*bog ‘Pag Lasing) at M.N.M. (Masarap Na Mommy) na may kalaswaan sa lyrics at music video na agad inalis ng YouTube (YT) sa mga puwedeng i-search para sa safety ng mga bata.

Sey ni Toni Fowler, “Tanggap lang. Kung ‘yun po ang sa tingin nilang bastos, wala naman tayong magagawa.”

Dagdag pa niya, hindi niya maintindihan kung bakit nagiging issue ang paggamit ng Tagalog words sa maseselang bahagi ng katawan, pero okay lang kung English. 

Pahayag ni Toni, “For example, sabihin ko, p*ke. Bastos po ba ‘yun? Parte ‘yun ng katawan ng babae. Pero ‘pag sinabi mong vagina, ‘Ay, ‘di bastos ‘yung sinabi ni Toni.’

“P*king may tahi? Totoo naman, mommy na s’ya, eh!”

Samantala, ito naman ang sey ng dating commissioner ng Komisyon sa Wikang Filipino (KWF) na si Jerry Gracio.

Pahayag nito, “Tama si Toni Fowler. ‘Di bastos ang p*ke. Ang p*ke ay p*ke, bura*, b*lat, fuk*, k*ki, p*day sa ating mga katutubong wika.”

Well, 2026 na pero marami pa ring ‘Pinoy ang hindi bukas sa ganitong mga usapin.