Dominante ang China, Taiwan at SoKor sa Asian Track Cycling

by Elyssa NIchole @Sports News | March 27, 2026

Photo: Bumanat sina Philippine team Marlen Marasigan, Althea Campaña at Angelina Elvira sa women junior team elite race kahapon. (PhilCycling Photo)

Ipinakita ng China, Chinese-Taipei at ng South Korea ang pagiging dominante sa Asian Cycling Confederation (ACC) Track and Para Track Championships na ginanap sa Tagaytay City.

Binasbasan naman ng International Cycling Union (UCI) ang Tagaytay CT Velodrome bilang Category A facility na ikinatuwa naman ni PhilCycling president Abraham “Bambol” Tolentino.

“We are now officially a UCI track destination,” saad ni Tolentino kahapon. “With a Category A homologation, we can now host world cups and even the world championships.”

Ang homologation certificate na pinirmahan ng UCI Track and Indoor Cycling Manager na si Jessika Grand Bois ay naganap bago ang opening ng 16-nation, 600-athlete championships event.

Pinatunayan ng China ang pagiging  unstoppable sa pagsilo ng gold medals sa sprint sa men at women elite habang ang Chinese-Taipei ay namayani sa men’s junior team sprint race.

Nagpasiklab naman ang South Korea sa women’s junior team sprint.

Umoras ang China ng 42.981 seconds, silver naman ang nasungkit ng Hong Kong.

Nag-deliver sina Yun Chieh Tsai, Yi Kuan Lin at Zi Qi Wei ng halos perfect ride para sa Chinese Taipei sa inirehistrong 45.314-second.

Pasikat naman ang mga batang riders ng Korea nang magpasiklab ito sa pagsikwat ng panalo sa team sprint event kontra India at Malaysia.

Hindi naman pinalad ang Team Philippines, inaasahan naman ito dahil kulang pa sa experience ang koponan.

“The disappointments are expected, but the good thing about the team is that the riders bettered themselves from training,” ani  PhilCycling track coach Virgilio Espiritu.