DDS at Loyalists, ayaw sa Sara-Grace Poe tandem, gusto sa Sara-Imee Marcos tandem sa 2028 Election

ni Pablo Hernandez @Prangkahan | Pebrero 1, 2024

HABANG NAGBABANGAYAN ANG SENADO AT KAMARA, SI SEN. BONG GO NAMAN POKUS SA PAGHAHATID SERBISYO SA MAMAMAYAN -- Habang nagbabangayan ang Senado at Kamara sa isyu ng Charter change (Cha-cha), may isang senador na nagpopokus naman sa paghahatid serbisyo sa mamamayan, at siya ay si Sen. Bong Go dahil bumababa siya sa cities at municipalities upang magtayo ng mga Super Health Centers para sa serbisyong pangkalusugan ng mamamayan.

Ang nais nating ipunto rito ay tantanan na ‘yang isyung Cha-cha at tularan na lang ng mga sen. at cong. ang ginagawa ni Sen. Bong Go na paghahatid serbisyo sa mamamayan, period! 

◘◘◘

KAPAG CHA-CHA ITINULOY, MAGTATATAG SI EX-P-DUTERTE NG REPUBLIC OF MINDANAO -- Sabi ni ex-P-Duterte, kapag itinuloy ng Kongreso ang people’s initiative para sa Cha-cha at ito ay inaprubahan ni Pres. Bongbong Marcos (P-BBM) ay magpapakalap din daw siya ng pirma sa Mindanao para sa Republic of Mindanao upang mahiwalay ang Mindanao region sa Pilipinas.

Sa totoo lang, dahil hanggang ngayon ay marami pang tagasuporta si ex-P-Duterte, puwede talagang mangyari ‘yan na maihiwalay ang Mindanao sa Pilipinas, at para hindi ito (Mindanao) maihiwalay sa Pilipinas, dapat lubayan na ng Kongreso ang isinusulong nilang Cha-cha, plis lang!

◘◘◘

GUSTO NG MGA DDS AT LOYALISTS ANG SARA-IMEE TANDEM, AYAW NILA SA SARA-GRACE POE TANDEM SA 2028 PRESIDENTIAL ELECTION -- Matapos ilabas ng WR Numero Research Firm ang presidential survey na si Vice Pres. Sara Duterte-Carpio ang top, naglabas uli ito ng survey na si Sen. Grace Poe naman ang top sa vice presidential survey at dahil d’yan ay may mga netizens ang nag-post sa social media na puwede raw ang tambalang Sara Duterte-Grace Poe sa 2028 presidential election.

Gayunman, malabong mangyari ‘yang Sara Duterte-Grace Poe tandem, kasi ang gusto ng mga Duterte Diehard Supporters (DDS) at Marcos loyalists ay Duterte-Marcos tandem, si Sara Duterte for president at si Sen. Imee Marcos ang for vice president, period!

◘◘◘

SENADO, MAGMIMISTULANG VARIETY SHOW KAPAG NAGING SENADOR SINA WOWOWIN HOST WILLIE REVILLAME, TAHANANG PINAKAMASAYANG HOST ISKO MORENO, AT SENADOR ULI SI EAT BULAGA HOST TITO SOTTO -- Nagdesisyon na sina Willie Revillame na kumandidatong senador sa 2025 election, kakandidatong senador din si Isko Moreno, at gusto naman ni Tito Sotto na maging senador uli. Kapag silang tatlo ay mga pinalad na magwagi, magmimistulang variety show na ang Senado.

May Wowowin host Willie Revillame na, at mayTahanang Pinakamasaya host Isko Moreno at Eat Bulaga host Tito Sotto pa, boom!