Dali, hinoldap ng riding-in tandem

ni Benjamin Chavez @News | September 11, 2026

Photo: File / Circulated FB

Hinoldap ng riding-in-tandem ang isang sangay ng Dali Convenience Store sa Brgy. San Juan, San Pablo City, Laguna, alas-7:30 ng umaga.

Ayon sa San Pablo Component City Police Station, pumasok sa tindahan ang dalawang lalaking nakasuot ng helmet habang nag-aayos pa ng paninda ang mga empleyado.

Nang utusan silang tanggalin ang helmet, tinutukan umano nila ng baril ang mga empleyado at pinabuksan ang vault.

Tinangay ng mga suspek ang P1,850 bago tumakas sakay ng motorsiklo.

Nagsagawa na ng dragnet at hot pursuit operation ang pulisya laban sa mga suspek.