Corrupt na public official, tanggal sa pwesto ang aabutin — P. Duterte

ni Thea Janica Teh | August 3, 2020

Sa press briefing, gabi ng Linggo ni Pangulong Rodrigo Duterte, sinabi nito na agad na

suspendihin o tanggalin ang mga corrupt na local government official.

Aniya, “My God, I only have two years [left in my term] and I will go all out. Let’s all put a stop to this. I will see to it that you are effectively suspended as a form of punishment, but I would prefer that you be dismissed immediately and the courts are not to interfere”.

Nauna ng sinabi ni Pangulong Duterte na gusto nitong mapahinto ang korupsiyon at graft sa ating bansa. Hindi pinipili umano ang sangkot na public official, kahit ito ay mayor, city council o barangay captain ay kinakailangang bigyan ng kaparusahan.

Bukod pa rito, nagbabala rin si Pangulong Duterte sa mga city at town council na nagpapa-delay sa ordinansa ng halos 3 araw. Ngunit, hindi malinaw kung anong ordinansa ang sinasabi ni Pangulong Duterte.