China 17 ang ginto sa ACC C'ships, world class ang Track Velodrome

by Elyssa NIchole @Sports News | April 1, 2026

,

Photo: Sumubok ng Tinikling sa Gala Night ang mga foreign cyclist kasabay ng pagdiriwang ng continental organization sa kanilang 33rd Foundation Anniversary habang tinanggap ni PHILCYCLING president Abraham “Bambol” Tolentino (kaliwa) ang plake mula kay Asian Cycling Confederation (ACC) president Dató Amarjit Singh Gill—kasama sina ACC secretary-general KozimkhujaUrinboykhujaev (ikatlo mula kaliwa) nakamasid si Tagaytay City alkalde Brent Tolentino sa Sigtuna Hall sa Tagaytay City.  (PhilCycling Photo)

Nakitaan ng magandang development ang pagdaos ng 45th Asian Cycling Confederation (ACC) Track Cycling Championships at 14th Asian Para Track Cycling Championships sa Tagaytay CT Velodrome sa Tagaytay City at pinuri ito ni ACC President Dato Armarjit Singh Gill.

“The Philippines is playing a major role in the development of track cycling in Asia,” ani Gill sa naganap na Gala Night selebrasyon ng ACC’s 33rd Foundation Anniversary sa Sigtuna Hall sa tabi ng Tagaytay City Hall. “What I see is a nation stepping up—investing in world-class facilities, including a 250-meter indoor, homologated velodrome.”

Pinuri rin ni Gill ang pagiging magaling na lider ni PhilCycling president Abraham “Bambol” Tolentino at ng kanyang vision sa event na suportado ng Philippine Sports Commission.

Ang bagong gawang Tagaytay CT Velodrome na UCI-standard BMX track kung saan ay nagawa para sa hosting ng Pilipinas sa 2019 SEA Games. “So far, so good and in terms of hosting, we’re on cloud nine,” sabi ni Tolentino, presidente ng Philippine Olympic Committee. “Thank you to everyone who supported us. This is world-class and to host an international event right away makes it even more special.”

Samantala, hindi maawat ang powerhouse China sa kanilang pamamayagpag matapos sumungkit pa ng apat na gintong medalya noong Lunes para sa kabuuang 17 golds, 9 silvers at bronze medal.