Boy, pinalabas na sinungaling… KARLA, IDINENAY ANG SINABI NI DANIEL TUNGKOL KAY KATHRYN, BUKING SA VIDEO

ni Julie Bonifacio @Winner | June 1, 2024

Photo: Karla Estrada / IG

Naglipana talaga ang fake news sa socmed. Isa na itong tsika na kinorek ni Karla Estrada ang statement ni King of Talk Boy Abunda regarding Daniel Padilla. 

Nangyari ang mga sinabi ni Tito Boy tungkol kay Daniel sa interbyu sa TV host sa vlog ni Luis Manzano.

Tinanong kasi ni Luis si Tito Boy kung aling showbiz breakup ang nagulat si King of Talk. 

Ang sagot ni Kuya Boy ay ang hiwalayan nina Daniel at Kathryn Bernardo.

Sa isang dating interbyu kasi, tinanong ni Tito Boy si Daniel na ano ang worst kesa sa betrayal sa isang relasyon. 

Tugon ni Daniel, “Maiwanan ka. Maiwanan ka ng taong mahal mo pa at nagmamahalan kayo. Maunahan ka niya, ‘yun din ang sabi ko. Baka hindi ko kaya ‘yun.

“Kung traydurin man ako o i-betray, it’s okay. It’s part of the relationship, parte ng buhay natin. Pero ‘yung hindi mo kayang ibalik kasi nawala, ‘yun ang pinakamasakit.”

Tapos ay binanggit ni Tito Boy kay Luis ang kanyang take-away sa interbyu niya kay Daniel and that is to be forgiven. 

Naganap ang interbyu during COVID-19 pandemic. 

Pero kumalat naman sa socmed na sinasabi diumano ni Karla na wala raw ganu’ng statement si Daniel sa interbyu ni Kuya Boy.

Well, to personally know the truth, hinanap namin ang interbyu ni Tito Boy kay Daniel sa YouTube at doon napanood mismo namin kung ano ang sinabi ni Daniel. 

Tama ang sinabi ni Tito Boy kay Luis na mga pahayag na binitiwan ni Daniel sa King of Talk.

Meaning, walang dapat ialma si Karla sa mga itsinika ni Kuya Boy kay Luis na statement ng kanyang anak na si Daniel.

Kaya ‘di rin masisisi ang mga netizens kung ma-bash man si Karla sa pag-call out niya kay Tito Boy, kung true man ang kumalat sa socmed.