Binata, sure na makakaalis sa susunod na taon

ni Estrellia de Luna @Panaginip gabay ng buhay | September 1, 2023

Analisahin natin ang panaginip na ipinadala ni Garry ng Cavite.

Dear Maestra,

Napanaginipan ko na tatlong beses akong kinagat ng aso. Una ay sa bahay namin, pangalawa, sa kalye at pangatlo, ay du’n sa iskul.

Ano ang ibig sabihin ng panaginip ko?

Naghihintay,

Garry

Sa iyo, Garry,

Depende sa aso na kumagat sa iyo ang ibig sabihin nito. Kung kumakawag-kawag ang buntot nito, masigla, at matapang, ang ibig sabihin nito ay magiging masaya ka sa darating na mga araw, at may dadaluhan kang pagtitipon na kung saan mami-meet mo ang iyong mga kaibigan.

Samantala, kung ang asong kumagat sa iyo ay hindi naman matapang, mabagal kumilos, at para bang pagod, ito ay senyales na makakaranas ka ng pansamantalang kalungkutan at agad naman itong mapapalitan ng kaligayahan.

Ang pangatlong kagat ay pahiwatig ng pagtitiis sa unang bahagi ng iyong buhay. Dadaan ka muna sa unang baytang bago mo maabot ang tagumpay. Sa dakong huli, magiging mayaman at titingalain ka sa inyong lugar.

Matapat na sumasaiyo,

Maestra Estrellia de Luna