ni Maria Angela Gonzales @Kuwentong Pag-Ibig | Marso 6, 2024
Ang nais ni Nhel Zamora ay makapaghiganti sa ama niyang nang iwan, pero hindi pananakit ng damdamin ang ginagawa niya sa anak-anakan nito.
Umagang-umaga ay nag-effort siyang bumangon para ipagluto ito ng bacon, hotdog, scramble egg at fried rice. Dahil gusto niyang kunin ang loob ni Via at kapag may tiwala na ito sa kanya, saka niya ito sasaktan. Doon, tiyak na pati si Pedro Pedral ay masasaktan din.
Napangisi siya nang maalala niyang ibinulong niya kay Pedro ang tunay niyang pagkatao. Tiyak niyang nabigla ito dahil nakita niya itong natulala.
“Good morning,” wika ng babaeng kanina pa laman ng kanyang isip.
Gusto niya itong simangutan para maramdaman nitong hindi siya ganu’n kasaya sa presensya nito, pero parang may sariling isip ang kanyang labi dahil nagpakawala ito ng napakatamis na ngiti.
“Ako dapat ang nagluluto.”
“Gusto rin kitang pagsilbihan.”
“Hindi ba dapat kaparusahan ang ibinibigay mo sa akin?”
Natigilan siya sa sinabi nito, iyon naman kasi talaga ang plano niyang gawin. Hindi niya lang alam kung bakit hindi niya iyon magawa ngayon.
“Saka na.”
“Kailan iyon?” Inip na tanong nito.
“Kapag sawa na ko sa’yo,” wika niya kahit hindi niya alam kung darating ba ang panahong iyon. Ngayon pa lang kasi ay parang mababaliw na siya kapag hindi niya ito nakikita at nakakasama.
“Hintayin ko ang panahon na ‘yan.”
“At bakit?”
“Para magkaroon na rin ako ng iba.”
Malulutong na mura naman ang pinawalan ni Nhel.
“Don’t say bad words. Nakakasuka.” Oa na sabi ni Via, sabay aktong naduduwal.
“Buntis ka?”
Tumawa nang malakas si Via sa naging pagtugon ni Nhel sa kanyang ginagawa.
“Walang nakakatawa!” inis niyang sabi.
“Wala pa tayong 3 days na kinasal, tapos iisipin mo na buntis ako? Amazing!”
Itutuloy…