Bilang pakikiisa sa pandemya... Webinar sa importansiya ng tubig at kalinisan, inilunsad ng Maynilad

ni Fely Ng - @Buhay Pag-Ibig at Pamilya | September 18, 2020

Yes! Alam n’yo ba, mga amigo at amiga, kamakailan lamang ay nagsagawa ng webinar-workshop series ang Maynilad Water Services, Inc. (Maynilad) para sa mga public school teacher para i-promote ang importansiya ng tubig at sanitation education?

Sa pamamagitan ng Maynilad Water Academy (MWA), 20 public school teachers mula sa Maynila at San Juan ang lumahok sa virtual event. Ibinahagi rito ang gamit ng water at sanitation education modules na magagamit nila sa online learning. Ang webinar na ito ay kabilang din sa inisyatibo ng Department of Health (DOH) sa programa nitong WaSH (Water, Sanitation and Hygiene) na mahalaga sa panahon ngayon.

Ayon kay MWA Executive Director Rodora A. Gamboa, “MWA hopes to provide teaching-learning resource materials to more teachers this year. Water, sanitation and hygiene are vital topics for classroom discussion, especially in this time of COVID-19 pandemic, and we believe that this type of learning module should be given the priority it deserves.”

Nagsimula ang MWA noong 2011 sa pagbibigay ng edukasyon pagdating sa water, sanitation at hygiene, hindi lang sa ibang bansa kundi pati na rin sa buong mundo. Bukod pa rito, kinilala ito ng Civil Service Commission (CSC) bilang credible private institution na nagbibigay ng technical at training courses para sa water at wastewater management.

Ito rin ay bilang pakikipagtulungan sa National Historical Commission of the Philippines-Museo El Deposito at Department of Education (DepEd).

◘◘◘

Para sa anumang isyu, opinyon o problema na gustong i-share, magsend sa e-mail buhay.bulgar@gmail.com o sumulat sa Buhay, Pag-ibig at Pamilya at ipadala sa Bulgar Bldg., 538 Quezon Avenue, Quezon City.