BF, naisama na rin sa farm niya… BEA, NADADALA NA SA FAMILY GATHERINGS NI VINCENT CO NG PUREGOLD
- BULGAR
- 5 hours ago
- 3 min read
ni Ambet Nabus @Let's See | May 16, 2025
Photo: Bea Alonzo at Vincent Co - IG, Circulated
Mukha ngang may katotohanan ang balitang nagkakamabutihan na sina Bea Alonzo at Vincent Co ng sikat na Puregold supermarket.
Bukod sa mga sighting sa kanila, balitang dadalo si Bea sa isang convention under the company na pag-aari nina Vincent and family.
May tsismis ding dumadalo na si Bea sa mga family gatherings nina Vincent and vice-versa.
Nakarating na nga rin daw si Vincent sa malaking farm nina Bea sa Zambales at mukhang may mga business plans na raw ang dalawa na kanilang pagsasamahan.
Maraming mga tagahanga ni Bea ang natutuwa sa balitang ito dahil finally nga raw ay nakakita na marahil ng tamang lalaki ang magandang aktres para sa kanya.
Kaugnay naman ng showbiz project for Bea, mukhang sa September pa raw ito magkakaroon ng bagong show.
“Luh, kahit size ng sapatos, ginawang balita. Para-paraan talaga si gurl kasi wala nang pumapansin,” sigaw ng netizen kay Chloe San Jose.
After kasing mai-launch ang kanyang album via presscon at buong-giting pang nagpasiklab ng kanyang hindi maipaliwanag na klase ng boses sa isang kilalang FM station na nasa bus, tila wala ngang balita tungkol dito.
Base sa nakita naming post ni Carlos Yulo na siyang nagsisipag mag-promote ng career
ng dyowa, kahit nga ang same shoe size nila ay ginawa nang balita para mapag-usapan lang ang mga kanta ng tinatawag na ‘Goldilocks gurl’.
Hindi na rin sana namin papatulan pa ang naturang isyu pero marami na nga ang nakakapansin na ginawa nang publicist ni Chloe ang gold medalist natin sa Olympics.
Anything for love, ‘ika nga.
Nag-promote ng movie…
DINGDONG AT CHARO, PASOK SA BAHAY NI KUYA
NAGING houseguest naman sa Pinoy Big Brother Celebrity Collab Edition (PBBCE) sina Dingdong Dantes at Charo Santos, obviously promoting their film na ang balita namin ay mauunang ipalabas sa ibang platforms.
Maganda ang konsepto na naisip ni Kuya sa kanilang pagpasok dahil ibinagay nila sa imahe ng dalawa ang kumbaga’y task na kanilang gagawin for the housemates.
Aliw na aliw kami ru’n sa pinahulaan sa mga housemates ang pinakaunang naging trabaho ng kanilang mga nanay, pati na ru’n sa isang bagay na hindi nila makakalimutang dalhin.
Siyempre, sandaling-sandali lang sila nag-stay sa PBB house, unlike other houseguests na natutulog du’n.
Lahat ng mga housemates ay na-star struck sa dalawa lalo na kay Dingdong na talagang game na game sa kanyang pagpapasaya sa mga ito.
BUONG-TAPANG na ipinasilip ni Matteo Guidicelli ang kanyang ginawang pagtalon sa ere para sa upcoming docu special na Philippine Defenders (PD).
Matatandaang isang Philippine Army reservist si 2LT Matteo Guidicelli, kaya masasabing malapit sa puso niya ang nasabing docu tungkol sa mga sundalo.
Sa kanyang social media page, ibinahagi rin ng aktor ang kanyang pagbisita kamakailan sa Bulacan para sa isang Balikatan ceremony.
“Honored to have joined the Balikatan ceremony a few days ago in Bulacan. This joint effort with our partners from the U.S., Japan, and Australia is a powerful reminder of what we can achieve when we come together, not just as allies, but as one global community.
“Through this partnership, we were able to build new classrooms and invest in what truly matters! Education, community, and the future of the Filipino youth. Balikatan is more than a military exercise. It’s about building bridges and great relationships! Let’s continue to strengthen these relationships, empower our communities, and work hand-in-hand for a better, brighter tomorrow. We are all defenders of the Philippines. Let’s carry that responsibility with pride.”