Babae, arestado sa 'panggagantso' na umabot sa P5-M
- BULGAR
- Jul 15, 2020
- 1 min read
ni Lolet Abania | July 15, 2020
Arestado ang isang babae sa Itogon, Benguet sa isinagawang entrapment operation dahil sa panghihingi ng pera sa mabibiktima upang hindi hulihin sa kasong illegal recruitment, ayon sa pulisya.
Kinilala ang suspek na si Anabel de Guzman, na nanggagantso at bina-blackmail umano ang nagiging biktima.
Sinimulan ni De Guzman ang kanyang modus noong Nobyembre at umabot na P5 milyon ang nakukulimbat na pera sa mga biktima.
Napag-alamang ang suspek ay wala pang record na kaso sa pulisya.
Subalit, itinanggi ng suspek ang mga paratang sa kanya at sinasabing sa isang abogado niya ibinibigay ang lahat ng nakukuhang pera.
Nahaharap sa kasong swindling at estafa ang suspek na si De Guzman.
Comments