Anak ni Sharon, dinamayan agad nina Juday, Iza, Angeline, etc... LOLA NI KC KAY GABBY, PUMANAW NA

ni Julie Bonifacio - @Winner | August 11, 2020

Pumanaw na ang ina ng aktor na si Gabby Concepcion na si Maria Lourdes "Baby" Arellano-Concepcion noong Sunday.

Sa recent post ni KC Concepcion sa kanyang Instagram account namin nabalitaan ang pagyao ng kanyang "MommyLa."

"My last living biological grandparent passed this morning. Thank you for always reminding us of our family tree and for always keeping me close to the family, Mommyla. Love you and will remember you and Daddylo forever," caption ni KC sa piktyur nila ng kanyang grandmother on her IG account.

Ang mga grandparents ni KC na nauna nang pumanaw ay ang kanyang Tatay (Mayor Pablo Cuneta) at Mamita (Elaine Gamboa-Cuneta) sa side ng kanyang Megamom na si Sharon Cuneta.

While ang grandfather niya at dating manager ni Gabby na si Rollie Concepcion ay nauna na ring pumanaw nu'ng taong 2008.

Dinagsa naman ng mensahe ng pakikiramay ang comment section ng IG post ni KC. Nangunguna na riyan sina Judy Ann Santos, Iza Calzado, Angeline Quinto, Cristalle Henares-Pitt, Jhong Hilario, Arlene Muhlach, at iba pa.

Kasunod na nag-post sa kanyang Instagram account about the passing of her lola ay ang second daughter ni Gabby na si Garie Concepcion.

Ipinost ni Garie sa kanyang IG ang picture niya noong baby siya habang kalung-kalong ng kanyang grandmother.

Inalala ni Garie ang mga iniregalo sa kanya at masasayang memories niya with her lola.

"I will always remember how you collected dolls that represented every country in the world, your effort to keep on sending quotes in the group chat that you made with your apos and the family tree that you made of our family. Forever in our hearts. Rest easy, MommyLa! Thank you for your genuine love for us, your grandchildren. You will be missed! Thanks @josiahjco for this picture," caption ni Garie.

Wala pang alam na detalye si Garie when we sent her a message sa wake ng kanilang MommyLa.

But according to Kuya Jobert Sucaldito, ang brother daw ni Gabby na si Mike Concepcion ang nagpaalam sa kanya about the passing of their mom through Viber, na baka raw cardiac arrest ang cause of death ni Mrs. Baby Arellano-Concepcion.

Speaking of Mike, we wonder what happened na sa case na inihain niya against Gabby na pineke raw ang signature ng kanilang mom.

Now that they are in grief dahil sa pagpanaw ng kanilang ina ay baka naman may maganap na pagkakaayos among the Concepcion siblings.