900,000 titser, gagamitin sa 2022 elections

ni Lolet Abania | September 25, 2020

Tiniyak ng Department of Education (DepEd) sa gobyerno ang magiging partisipasyon ng 900,000 public school teachers sa eleksiyon sa 2022.

Sa ginanap na pagdinig sa Senado para sa panukalang P606.5-billion budget ng DepEd, naitanong ni Senate Committee on Finance Chairperson Sonny Angara kung may sapat na bilang ng guro na kakayanin ng multiple shifts sakaling ang halalan ay mangyari ng dalawa hanggang tatlong araw.

"We have 900,000 teachers and during the last elections the law provides that the participation in the electoral process has to be voluntary. If we go by experience in last year's elections, practically all except those who are unable physically to participate, volunteered," sabi ni DepEd Sec. Leonor Briones.

"It has become part of the tradition that teachers are trusted and they live up to this very high level of trust. I would imagine that if there is a decision, especially if it is covered by law, our teachers will participate," sabi pa niya.

Dagdag ng kalihim, pinapayagan ng batas na kumuha ng mga volunteers mula sa ibang sektor tuwing eleksiyon sakaling hindi magiging sapat ang bilang ng mga guro. Matatandaang noong 2019, mahigit kalahating milyong mga titser sa bansa ang nakibahagi sa midterm elections.

Hiniling naman ni Angara na magsumite ang DepEd ng iba pang detalye ng mga gurong magseserbisyo sa eleksiyon.