7 sasakyan nagkarambola, 3 nadale

by Mervin Reyes @News | September 29, 2026

Photo: Circulated

Tatlo ang sugatan matapos magkarambola ang pitong sasakyan sa northbound lane ng Roxas Boulevard, malapit sa Pedro Gil sa Ermita, Maynila, Linggo ng gabi.

Ayon sa Manila Police District-District Traffic Enforcement Unit, nangyari ang insidente alas-10:30 ng gabi.

Kabilang sa mga sangkot ang dalawang motorsiklo, dalawang SUV, L300 van, e-taxi at wing van truck.

Sa paunang imbestigasyon, huminto sa stoplight ng Pedro Gil ang dalawang motor, ngunit hindi umano napansin ng mga sasakyang nasa likuran ang traffic signal.

Unang bumangga ang isang SUV sa dalawang motorsiklo, na sinundan ng sunud-sunod na banggaan hanggang sa madamay ang pitong sasakyan.

Ayon sa pahinante ng truck, biglang nag-red light ang signal kaya hindi agad nakapagpreno ang kanilang sasakyan.