4 patay, 1 kritikal sa pagsabog ng fuel tank

ni Lolet Abania | October 10, 2020

Apat ang namatay at marami ang nasugatan matapos ang naganap na pagsabog ng fuel tank sa isang gusali sa Beirut, Lebanon, ayon sa Lebanese Red Cross.

Sa ulat ng security sa Beirut, sumiklab din ang sunog nang dahil sa pagsabog sa isang gusali sa Tariq al-Jadida at mga kalapit na kabahayan.

Gayundin, isa pa rito ang nasa kritikal na kondisyon habang marami ang ginagamot sa ospital dahil sa smoke inhalation at nasugatan, ayon sa Red Cross at hospital source sa Beirut.

Inaalam pa ng awtoridad ang halaga ng napinsala at pinagmulan ng pagsabog.