4-k pasaway na drivers, suspendido — LTO

ni BRT | September 15, 2020

Mahigit 4,000 drivers na maraming traffic violations ang sinuspindi ng Land Transportation Office (LTO) na mag-drive sa Metro Manila.

Sa listahan na isinumite ng Metropolitan Manila Development Authority (MMDA) sa LTO, aabot sa 11,000 drivers ang nahuli dahil sa paglabag sa batas-trapiko sa EDSA.

Sa pahayag ni traffic chief Edison Nebrija, aabot pa rin sa 7,000 ang pinayagang makapagmaneho sa kabila ng pagiging “habitual violators".

Napag-alaman na ngayong taon, sa 509 na aksidente sa EDSA, 105 ang naaksidente dahil sa mga inilagay na concrete barriers.

Kabilang din sa mga dahilan ng aksidente ang human error, nakakatulog sa pagmamaneho at ang paggamit ng cellphone habang nagmamaneho.