Maaari bang mag-speech tungkol sa pangangalaga ng mga mata kahit hindi licensed optometrist?
- Persida Acosta
- Jun 22, 2020
- 1 min read
Dear Chief Acosta,
Ako ay may balak na magbigay ng talumpati tungkol sa tamang pangangalaga ng ating mga mata dahil ako ay nakapagtapos ng kursong Doctor of Optometry, ngunit hindi pa ako lisensiyadong optometrist. Maaari ko ba itong gawin?
– Leslie
Dear Leslie,
Para sa inyong kaalaman, isinasaad sa Section 4(d) ng Republic Act No. 8050 o mas kilala bilang “Revised Optometry Law of 1995” na:
“SEC. 4. Acts Constituting the Practice of Optometry. – Any of the following acts constitute the practice of optometry:
xxx
(d) The counseling of patients with regard to vision and eye care and hygiene; xxx”
Sa inyong sitwasyon, kung kayo ay hindi lisensiyadong optometrist, hindi kayo maaaring magbigay ng talumpati tungkol sa tamang pangangalaga ng mga mata dahil ito ay kinokonsidera na practice of optometry na para lamang sa mga lisensiyadong optometrist.
Nawa ay nasagot namin ang inyong mga katanungan. Nais naming ipaalala sa inyo na ang opinyon na ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa isang abogado.
Comments