Lolo, natagpuang patay sa bahay

Quezon—Natagpuang patay ang isang 60-anyos na lolo kamakalawa sa loob ng kanyang bahay kamakalawa sa Bgy. Binahaan, Pagbilao.

Ang biktima na ginilitan ang leeg at may mga tama ng saksak sa katawan ay kinilalang si Hilario Dequiros, nakatira sa nabanggit na barangay.

Nabatid na ilang residente ang nakatagpo sa bangkay ni Dequiros sa loob ng kanyang bahay.

May hinala ang pulisya na magnanakaw ang pumatay sa biktima.

Iniimbestigahan na ng pulisya ang nasabing krimen para makilala at madakip ang suspek.