Amnestiya sa mga delingkuwente sa buwis, extended

Pinalawig pa ng Bureau of Internal Revenue (BIR) ang deadline nito para sa mga delingkuwente sa pagbabayad ng buwis na nais pang maihabol ang pag-aayos ng kanilang obligasyon sa gobyerno.

Sa ipinalabas na Revenue Memorandum Circular No. 61-2020 ng BIR, mula sa deadline na Hunyo 22, 2020 ay in-extend nito ng hanggang Disyembre 31, 2020 ang pagbibigay ng amnestiya sa mga may utang sa buwis.

Sa ilalim ng Republic Act No. 11213 o Tax Amnesty Act, binibigyan ng oportunidad ang mga delingkuwente sa buwis na malinis ang kanilang rekord ng hindi nabayarang buwis noong 2017 at sa mga nauna pang taon.

Ang nasabing hakbang ng BIR ay bilang konsiderasyon na rin sa epekto ng global pandemic na dulot ng coronavirus disease 2019 (COVID-19).