Lolo, tinadtad ng bala sa kubo

Aklan—Isang lolo ang tinadtad ng bala at napatay nang barilin ng armadong salarin sa loob ng tinutulugan nitong kubo kamakalawa sa Bgy. Cortes, Balete.

Ang biktima na nagtamo ng mga tama ng bala sa katawan ay nakilalang si Geronimo Perez, 62-anyos, samantalang ang suspek ay si Edilberto Ruyo, 59-anyos, kapwa residente sa nabanggit na bayan.

Ayon sa ulat, natutulog umano si Perez sa kubo ng kanyang anak nang pumasok ang suspek at agad itong pinagbabaril hanggang sa mapatay.

Kaagad rumesponde ang pulisya kaya nadakip ang suspek at nakumpiska dito ang .45 pistola na ginamit sa krimen.

Inaalam na ngayon ng pulisya ang motibo ng suspek sa pamamaslang sa biktima.