Napagkamalang kawatan, kinatay ng lolo

Iloilo—Isang binata na napagkamalang magnanakaw ang pinagtataga hanggang sa mapatay ng 62-anyos na lolo kamakalawa sa Bgy. Bulak Sur, Batad.

Kinilala ang biktimang nagtamo ng mga tama ng taga sa katawan na si Dione Dellomes, 23-anyos, samantalang ang suspek ay si Recanor Valdevieno, kapwa residente sa nasabing lalawigan.

Ayon sa ulat, nang makita ni Valdevieno si Dellomes na nasa kanyang bukirin ay agad nitong pinagtataga ang biktima.

Nabatid na kaagad namang rumesponde ang pulisya kaya nadakip ang suspek.

Sa imbestigasyon ay napag-alaman na wala namang ninakaw ang biktima sa bukid ni Valdevieno at dahil dito, sinampahan ng kasong murder ang suspek.