Mga pekeng ID ng IATF, buking sa Recto University

Arestado ang pito na katao matapos ang isinagawang pagsalakay ng mga tauhan ng Manila Police District-Station 4 sa pagawaan ng mga pekeng Identification Card ng Department of Trade and Industry- Inter-Agency Task Force on Emerging Infectious Diseases (DTI-IATF) kahapon sa Recto Avenue sa Maynila.

Ayon kay kay PLt. Col. John Guiagi, station commander ng MPD-PS 4 , isinasailalim pa sa imbestigasyon ang mga naarestong suspek na naaktuhang nag-iimprenta ng mga pekeng DTI-IATF ID.

Ala-1:00 ng hapon nang salakayin ng mga tauhan ni Guiagi ang ilang establisimyento matapos makatanggap ng report na nag-iimprenta ng mga pekeng ID ng IATF.

Nabatid na binebenta umano ng tig-P350 ang mga pekeng ID na ginagawa sa tinaguriang Recto University.