Health Sec. Duque, mag-resign na lang kung ‘di marunong bumasa ng datos, period!

Ka Ambo / Bistado

Dalawang “usec” ang magkasabay na nawala sa gabinete.

Napangisi si Gen. Sinas!

◘◘◘

NAGDEDEBATE ang task force sa una at ikalawang “wave”.

Kutusan ko kaya ang mga ito?

He-he-he!

◘◘◘

KAKAUNTI ang nakakaunawa sa COVID-19.

Kasama na ang mga taga-Malakanyang!

◘◘◘

NASA kustodiya na ng NBI si Francis Leo Marcos.

Baka ‘pag pinasuka siya, “noodles at sardinas” ang kanyang iluluwa?

◘◘◘

PEKE raw ang “mayaman challenge”.

‘Yung mga “nakisabay”—hindi totoong mayayaman.

Nagyayaman-yamanan lang din!

◘◘◘

HINDI malinaw kung dinalaw ng isang alyas Romy Diaz ang isang alyas Marcos.

Baka kasi madamay siya?

◘◘◘

MARAMI nang dating naghihirap sa ‘Pinas.

Nang mamigay ang gobyerno—naambunan sila!

◘◘◘

MALI ang pamimigay ng ayuda ng gobyerno.

Dapat ay inireserba ito sa “second wave”.

Dapat patalsikin si Health Sec. Francisco Duque III.

Hindi siya marunong magbasa ng “datos”!

◘◘◘

KATAKUT-TAKOT ang magsasaradong negosyo.

Milyun-milyon ang walang Noche Buena ngayong Pasko!

◘◘◘

PATOK ang online selling.

Kahit bulok na produkto naipade-deliver!

◘◘◘

PERO klik na trabaho ang “delivery boy”.

Sila ang “bagong industriya”!

◘◘◘

MALINAW din na tumatabo ang mga motorcycle traders.

Sila lang ang kumikita!

◘◘◘

PAGPASOK ng tag-ulan, ubos na ang relief goods ng gobyerno.

‘Yan na mismo ang krisis!