Mag-ama, sugatan nang pagtulungan ng 4 na magkakapatid
- BRT
- May 20, 2020
- 1 min read
La Union—Sugatan ang mag-ama nang tagain at paluin sila ng tubo ng apat na magkakapatid kamakalawa sa Bgy. Bulbulala, Balaoan.
Nakilala ang mag-amang biktima na sina Cesar, 63-anyos at Edwin Labiste, 36-anyos, samantalang ang mga suspek ay ang magkakapatid sina Alan, Ricky, Roger at Arnold, pawang may apelyidong Organista.
Ayon sa ulat, nagkaroon ng pagtatalo ang mag-ama at apat na magkakapatid na humantong pata tagain ng mga suspek sa katawan si Edwin at paluin ng tubo sa ulo si Cesar.
Matapos ang insidente ay mabilis na tumakas ang mga suspek.
Ginagamot na ngayon sa ospital ang mag-amang biktima.
Comments