Taiwan tinanggihan ang 'Pinas sa ekstradisyon ng kritiko ni Pangulong Duterte

Tinanggihan ng Taiwan ang hiling ng Philippine Labor Department sa ekstradisyon ng Filipina worker na nagbigay ng matinding kritisismo kay Pangulong Rodrigo Duterte sa socmed, ayon sa report ng Taiwanese news.

Sa pahayag ng Ministry of Foreign Affairs ng Taiwan, ang mga migrant workers ay nararapat na “enjoy ‘citizen treatment’, and their rights and interests are protected by relevant laws and regulations, including freedom of speech,” ani ng English-language na diyaryong Taiwan News.

Dagdag pa rito, “no person or institution … has the right to pressure her … nor shall she be deported without consultations held by both governments.”

Subalit, ayon sa Philippine Labor Department, dapat na managot ang caregiver na taga-Yunlin county sa kasong cyber-libel dahil sa ginawang Facebook posts na mga kritisismo tungkol sa tugon ni Pangulong Duterte sa novel coronavirus. Sasampahan siya ng kaso ng labor department sa nai-post niyang “nasty and malevolent materials … intended to cause hatred amidst the global health crisis.”

Tulad ng iba pang mga bansa, pagkakataon para sa Pilipinas ang krisis sa coronavirus dahil mahigpit na naipatutupad ang mga batas laban sa misinformation na ginagawa ng mga kritiko at ito rin ang paraan para madali silang matunton.

Ayon sa batas, binibigyan si Duterte ng special powers sa pagtugon sa covid-19, na i-penalize ang magpapakalat ng maling impormasyon kung saan papatawan ng parusang pagkabilanggo ng dalawang buwan at multang $20,000.

Gayundin, ipinatawag na ng National Bureau of Investigation ang iba pa base na rin sa kanilang online posts.

Gayunman, tila ang kaso laban sa babaeng kritiko ay sariling inisyatibo lamang ng Labor Department. Walang opisyal na request para sa deportasyon ng caregiver, ayon kay Philippine envoy to Taiwan na si Angelito Banayo sa Central News Agency ng Taiwan. Aniya pa, hindi kinonsulta ang kanyang labor attache at hindi rin ipinaalam ang tungkol sa request sa kanyang opisina.

“The Philippine government must drop its investigation of the (Filipina worker) solely for her peaceful expression of dissent, and abolish its plan to initiate deportation proceedings against her,” pahayag ng Amnesty International.

Samantala, tinatayang 150,000 Filipino ang nagtatrabaho sa Taiwan.