Japan Judo official, Iranian boxing referee, patay sa COVID-19

Nadagdag sa listahan ng mga biktima ng COVID-19 mula sa daigdig ng palakasan ang isang dating opisyal ng Japanese Olympic Committee at ang unang black boxing referee sa Olympic Games.

Namatay si Matsushita Saburo sa edad na 84 matapos itong dapuan ng coronavirus. Si Saburo ay dating kasapi ng JOC Executive Board at dati ring parte ng Kodokan Institute Board of Directors. Isa rin siyang 9th dan sa larangan ng Kodokan judo. Ang "sensei" ay naging Senior Managing Director din ng All Japan Judo Federation.

Sa isang pahayag, sinabi ng International Judo Federation na, "The IJF expresses its deepest condolences to Matsushita Saburo's friends and relatives, to the Kodokan institute and the All Japan Judo Federation and to the whole judo family."

Sa kabilang dako, nagluluksa rin ang mundo ng boxing matapos pumanaw si Carmen Williamson. Bukod sa pagiging isang prominenteng amateur boxer sa US noong 1940s at 1950s, nagsilbi rin sa 1984 Olympics bilang referee. Iginupo ng virus sa Toledo, Ohio ang pinakaunang black referee ng Summer Olympics sa edad na 94. Nakatakda sanang tanggapin ni Williamson ang kanyang college degree ngayong Abril sa University of Toledo. Nagsimula siya sa college noong 2000.