Covid-19 Contact Tracing App, handog ng Apple Inc. at Google

Isang makabagong teknolohiya ang isinasagawa ngayon ng tech giants na Apple Inc. at Google upang matulungan ang lahat na malaman kung na-exposed na sa coronavirus, gamit ang apps at Bluetooth technology.

Ayon sa Google, ang contact tracing ay magiging daan para malabanan ang pagkalat ng virus, “makes it possible to combat the spread of the COVID-19 virus by alerting participants of possible exposure to someone who they have recently been in contact with, and who has subsequently been positively diagnosed as having the virus.”

Ang app na ito, ang magsasabi sakaling makasalamuha ka ng isang taong na-diagnosed ng covid-19 at magrerekomenda rin kung kailangan ng self-quarantine.

Gayundin, sa isang joint news release ng dalawang kumpanya, ipinahayag na ang “user privacy and security” ang sentro ng disenyo nito, at kasunod ang paglulunsad ng software tools at operating system technology para matulungan naman ang mga researcher.

Sa darating na Mayo, nakahanda nang i-release ng Apple Inc. at Google ang tinatawag na APIs, software tools ito na puwedeng makagawa pa ang developers sa loob ng operating systems, na magiging interoperable sa pagitan ng Apple iOS at Google Android mobile platforms.

Asahan na magagamit na ng iba’t ibang kumpanya ang contact tracing apps kapag maaari nang i-download, gamit ang Apple iOS at Google Play app stores.

Samantala sa mga susunod na buwan, ang Apple at Google ay magsasagawa ng iba pang paraan para sa Bluetooth-based solution na magiging parte rin ng iOS at Android platforms.

Ayon pa sa dalawang kumpanya, siguradong marami ang magpa-participate “as well as enable interaction with a broader ecosystem of apps and government health authorities.”

Sa Twitter, sinabi ni Google CEO Sundar Pichai, na ang kanilang contact tracing app ay mayroong “strong controls and protections for user privacy.” At sa tweet ni Apple CEO Tim Cook, ang contact tracing ay maaaring magamit, “without compromising user privacy.”