‘Pinas, mas kailangan ang financial experts kaysa sa medical expert

Ka Ambo / Bistado

Binabaklas na ang mga pabrika ng multi-national firms mula China at inililipat sa Vietnam.

Higit na maayos ang patakbo ng gobyerno ng Vietcong kaysa sa ‘Pinas!

◘◘◘

MABILIS na tinalo ng Vietcong ang COVID-19 ng China nang walang kuskos balungos.

Dapat balasahin ang Inter-Agency Task Force.

Puro papogi lang, walang gawa!

◘◘◘

WALANG krisis sa pagkain ngayon.

Ang krisis ngayon ay talamak na korupsiyon dahil walang nag-o-audit sa procurement ng relief goods at distribution.

Nakakakilabot!

◘◘◘

ANG krisis ay mararanasan sa pagpatak ng ulan ngayong Hunyo, Hulyo at Agosto.

D’yan kayo mag-imbak ng pagkain!

◘◘◘

MARAMI pang paninda sa sari-sari store at palengke.

Mauubos ‘yan sa tag ulan!

◘◘◘

ANG COVID-19 ay tulad ng ibang virus ay kusang maglalaho.

Pero ang bangkaroteng ekonomiya ay magiging pangmatagalang multo sa ating henerasyon!

◘◘◘

HINDI medical experts ang kailangan natin ngayon.

Ang higit na kailangan ay financial experts!

◘◘◘

PAANO kikilos ang gobyerno at pribadong sektor kung walang cash ang middle class at lower class.

Walang pera ang consumers, hala?

◘◘◘

MASYADO nang stress si P-Digong.

‘Yan ang delikado!

◘◘◘

UNTI-UNTING nang ibalik ang komersiyo.

‘Yan ang pinakamalaking tama!

◘◘◘

UNAHIN dapat ang construction industry.

Buksan ang mga hardware at line services kasama ang trucking.

Milyong obrero at pamilya nito ang masasagip sa gutom!

◘◘◘

HINDI relief goods ang dapat ipamigay sa mga head of the family.

Dapat bigyan sila ng protective gears upang makapagtrabaho!

◘◘◘

HINDI ang pagkilos ng tao ang problema.

Ang problema ay ang “hindi maingat” na paggalaw ng tao!

◘◘◘

I-LOCKDOWN at i-isolate lang ang mga senior citizens at mga maysakit.

Sila ang bigyang ng ayuda at pinansiyal.

‘Yan ang simpleng solusyon!

◘◘◘

SYMPTOMS lang ng COVID-19 ang dapat ginagamot.

Kayang-kaya ‘yan ng mga beteranong general physician.

Ang GP ang tunay na frontliners na dapat ayudahan ng gobyerno!

◘◘◘

LAHAT ng sintomas ng sakit ay kabisado ng mga GP o clinicians.

Sila ang gagamot sa mga may mild synptoms, PUIs at PUMs!

Pero dinededma at walang suporta sa DOH ang mga GP sa maliliit na medical clinic!

◘◘◘

KAPOS ng sentido-kumon ang mga eksperto ng gobyerno.

Lahat sila ay utak-“Koko”!