Mga pusa, guwardiya sa moseo sa Russia

RUSSIA – Kakaiba ang tagapagbantay ngayon sa St. Petersburg’s Hermitage museum, ang tanyag na moseo sa buong mundo dahil sa mayamang koleksiyon ng artwork, ang mga guwardiya dito ay mga pusa.

Sinisiguro ng mga pusang ito na maayos at mapayapa ang loob ng moseo habang may ipinatutupad na nationwide coronavirus home isolation sa lugar. Makikita mula sa YouTube channel ng museum ang 15-minute “hang out” ng mga pusa sa hideout nila sa basement nito.

“The Hermitage cats convey their greetings and meow-meow!” ayon sa video description. “Everything is fine with them. They are looked after, petted, fed, and sometimes even given all kinds of treats!”

Ang mga pusa ay mayroong press secretary at assistant na nag-aalaga sa kanila. At dahil sa halos lahat ng empleyado ay working from home, ang naiwan sa kanila para magpakain ay ang Museum Security Service, na makikita rin sa lumabas na video.