NBA Nets, COVID-19 free na makaraang magpositibo

Labinlimang araw makaraang ianunsiyo ng Brooklyn Nets na apat sa kanilang players ang nagpositibo sa COVID-19, masayang ibinalita ni general manager Sean Marks na ang buong team roster ay nakarekober na.

Aniya sa reporters sa isang conference call, nakumpleto na ng Nets team ang two-week quarantine at ipagpapatuloy pa rin nila ang pagsunod sa social-distancing guidelines ng gobyerno.

“As it pertains to the team,“ saad ni Marks. I sense-like all of us, like the rest of New York and really the rest of the globe – we’re trying to deal with this as best we can.”

Ang sintomas ng coronavirus ay lagnat, ubo, panlalamig ng buong katawan at over fatigue. Para sa iba ay wala silang ipinakikitang sintomas. Tatlo sa apat na Nets players na bagama't positibo sa COVID-19 ay asymptomatic.

Muli raw isasailalim sa pagsusuri ang players kung hihilingin ng NBA bago sila magbalik sa paglalaro sa liga.

Unang nagpositibo si Kevin Durant sa Nets at nahawaan na lang ang 3 pang kasama kung kaya sinuspinde ang NBA season mula noong Marso 11.