Singapore nag-donate ng 40K COVID-19 test kits sa 'Pinas

Nakatanggap muli ang Pilipinas ng 40,000 diagnostic tests at dalawang ventilators mula sa Temasek Foundation ng Singapore upang patuloy na labanan ang COVID-19.

Nasa NAIA kahapon sina Singapore Ambassador Gerard Ho at Chief of Protocol and Presidential Assistant for Foreign Affairs Robert Borje para ibigay ang kanilang donasyon sa bansa.

"These additional test kits will supplement Singapore’s earlier donation to allow more people to have an early diagnosis, while the ventilators will be crucial for the survival of severe COVID-19 cases," pahayag ng Embassy.

Ayon sa Department of Health (DOH), marami pang paparating na test kits sa ating bansa.

Kamakailan, nag-donate si Chinese billionaire Jack Ma ng 57,000 test kits at 500,000 face masks.

Patuloy na makikipagtulungan ang Singapore sa ating bansa upang tuluyan nang masugpo ang coronavirus.