FIDE sa Russia, na-checkmate ng COVID-19; Barcenilla Champ sa PHL online Chess

Checkmate ang inabot ng International Chess Federation (FIDE) sa coronavirus o COVID-19 matapos pansamantalang ihinto ang malupit na torneong Candidates Tournament 2020 sa Hyatt Regency Hotel sa Yekaterinburg, Russia dahil walang biyaheng panghimpapawid papasok at palabas ng lugar.

Dadalhin mula sa Yekaterinburg tungo sa Amsterdam ang ilang manlalaro sa paligsahan na umabot na sa kalagitnaan ng 14 rounds.

Sa isang pahayag, sinabi ng FIDE na hindi na nito kayang bigyan ng katiyakang ligtas sa COVID-19 ang chessers gayundin ng mga opisyales alinsunod sa Clause 1.5. ng Rules of Candidates Tournaments.

Idinagdag din ng pangulo ng FIDE na si Arkady Dvorkovich na "It will be continued later, with the exact dates to be announced as soon as the global situation related to the COVID-19 pandemic will allow. As it was stipulated in the special rules agreed with the players before the start of the event, the results of the seven rounds played remain valid, and the tournament will be resumed in the same composition starting with the games in the 8th round. FIDE is grateful to the players, officials, volunteers and the entire team of organizers".

Nang tanungin siya kung tama bang hindi na lang inumpisahan ang paligsahan, sinabi niya na "I think it was the right decision. We took the decision to start from the beginning since we were able to keep risks under control, and the first seven rounds went smoothly. To postpone is also a responsible decision."

Pagkatapos ng pitong yugto ng paligsahang naghahanap ng manlalarong may karapatang humarap at hamunin ang world chess king mula sa Norway na si GM Magnus Carlsen para malaman kung dapat pang manatili o mapalitan na sa trono ang Norwegian, magkasosyo sa liderato sina GM Maxime Vacihere Lagrave ng France at GM Ian Nepomniachtchi na mula naman sa Russia. Kapwa sila may 4.5 puntos, isang buong puntos ang agwat nila sa susunod na pulutong na binubuo nina GM Fabiano Caruana (USA), GM Anish Giri (Netherlands), GM Hao Wang (China) at GM Alexander Grischuk (Russia).

Samantala, dalawang online chess tournament sa Pilipinas ang idinaos at kapwa mga batikang chessers ang mga namayagpag.

Sa 1st National Bullet Chess Championships, pagkatapos ng 18 rounds ng tunggalian, hinirang na kampeon si National Standard Chess king GM Regelio "Banjo" Barcenilla. Isang buong puntos sa likod ng 47-anyos na kampeon ay ang 15-taong-gulang na si International Master Daniel Quizon na pumangalawa sa kompetisyon habang isang sorpresang pangatlo ang 19-anyos na si Samson Chiu Lim.

Pangalan naman ni GM Rogelio "Joey" Antonio Jr. ang nangibabaw sa 1st Cesar Orbe Memorial Chess 960 Blitz Series, matapos isuko ang walang mantsang walong panalo sa walong laro na rekord. Segunda naman ang naging papel ni FIDE Master Sander Severino samantalang nakuntento sa huling upuan sa podium si National Master Rolzon Roullo.