12 brands ng COVID-19 test kits, aprub sa FDA
- Madel Moratillo
- Mar 27, 2020
- 1 min read
May 12 brands ng COVID-19 test kits na ang inaprubahan ng Food and Drug Administration (FDA) for commercial use.
Ayon sa FDA ang mga ito ay Real Time Polymerase Chain Reaction (RT-PCR) based na rekumendadong testing kit para sa COVID-19.
Kaugnay nito, sinabi ni FDA Director General Eric Domingo na patuloy nilang nire-review ang lahat ng aplikasyon para sa COVID-19 test kits at minamadali na ang proseso sa gitna na rin ng kasalukuyang sitwasyon.
Gayunman, hindi naman umano nila maaaring ikompromiso ang kalidad at kaligtasan ng mga kit na ito kaya dapat tiyakin munang mabuti na may scientific evidence at mga dokumentadong basehan ang mga ito.
Nagbabala naman ang FDA sa mga test kits for commercial na hindi dumaan sa FDA dahil hindi nila tiyak ang pagiging epektibo nito.
Comments