Oks lang mapagod, pero ‘wag sumuko... Tips para maging motivated at maging masaya ulit

No Problem

Naranasan mo na bang makaramdam ng excitement sa paggawa ng isang bagay na naging paulit-ulit mo nang ginagawa hanggang sa naramdaman mong hindi ka na naggo-grow o nagkakaroon ng progress dahil wala nang bago? ‘Yung dahil sa paulit-ulit mong ginagawa sa araw-araw ay parang pagod ka na, na parang na-stuck ka na lang sa ganu’ng routine?

Once na makaramdam tayo na parang na-stuck na lang tayo sa isang sitwasyon o bagay, maaari itong humantong sa feeling of unhappiness, confusion, hopelessness at insecurity.

Anu-ano nga ba ang mga dapat gawin kapag nakaramdam tayo ng parang stuck o trapped tayo sa ating routine?

1. MAGBALIK-TANAW AT ALAMIN ANG SAGOT SA ‘BAKIT?’ Madalas, kahit nakakaramdam tayo na tila na-stuck tayo sa isang sitwasyon o routine, pinipilit pa rin nating mag-move forward na tipong nasa isip natin ay ‘i-push mo ‘yan, ‘te’ pero isa ‘iong malaking ‘no’ dahil mapapagod ka lang. Sabi nga ni Albert Einstein, “No problem can be solved from the same level of consciousness that created it,” so, kailangan mong mag-isip sa ibang viewpoint kung paano ka nagsimula.

Alalahanin mo kung paano ka nag-start, paano ka napunta sa ganyang sitwasyon at kung ano talaga ang gusto mo at tanungin mo ang iyong sarili kung bakit ka nand’yan, ano ang dahilan kung bakit mo pinasok ‘yan at ano ang gusto mong ma-achieve o ma-accomplish? Kung ire-remind mo ang sarili mo sa orihinal na intensiyon at purpose mo, maaari kang magkaroon ng motivation para magpatuloy o magsimula ng panihagong yugto ng buhay.

1. ALAMIN ANG PROBLEMA. Mahirap mag-move forward kung hindi mo alam ang dahilan kung bakit nararamdaman mong na-stuck ka na lang sa isang sitwasyon. Puwede kasing nagsasawa ka na, napapagod, nape-pressure o may iba ka nang gustong gawin. Sabi nga, you must name it to tame it. Ayon din sa isang personal development expert na si Tracy Kennedy, “A well-defined problem presents its own solution”.

1. MAG-UNWIND. Minsan, tila na-stuck tayo sa isang routine kung feeling natin ay ‘no choice’ tayo kundi gawin ‘yun na parang wala nang ibang options maliban kung humanap ng bago. Pero puwede namang mag-brain break o mag-unwind dahil makatutulong ito para ma-refresh ang ating isipan at magkaroon ng new perspective.

Hindi ang pagbitiw sa kung ano ang meron ka ngayon ang palaging solusyon. Sa isang relasyon, minsan, kinakailangan natin ng “space” para linawin sa sarili natin kung saan ba patungo ang relationship ninyo, gayundin, sa ibang aspeto ng buhay.

‘Ika nga, parang laro ang buhay. Start a new game, take a pause ‘pag pagod ka na, resume kapag gusto mo pang magpatuloy. Minsan, pakiramdam natin ay nananalo tayo at minsan naman ay natatalo. Pero kapag natalo, nasa atin kung pipiliin natin ang mag-new game ulit o pumili na ng ibang laro. Kuha mo?