831 PUV, nasampolan sa transport ban

Nasa 831 na mga drayber ng pampublikong sasakyan ang nahuli ng PNP-Highway Patrol Group (HPG) na lumabag sa public transport ban simula nang ipinatupad ang enhanced community quarantine noong Marso 17.

Sina HPG Director PBGen. Eliseo Cruz at HPG-NCR Chief, PCol. Wilson Doromal ang nanguna sa operasyon upang maipatupad ang public transportation ban sa Metro Manila at buong Luzon.

Kabilang sa mga sasakyang nahuli ay 521 taxis, 42 bus, 25 van, 49 jeep at 194 tricycle.

Kaugnay nito, inihahanda na ng HPG ang kaukulang reklamo laban sa mga ito sa Land Transportation Franchising and Regulatory Board (LTFRB), para sa posibleng suspensiyon o kanselasyon ng mga prangkisa ng mga operators ng naturang mga sasakyan.