Nag-comment sa hiwalayan, sinuspinde ng network… Jobert, idinemanda ang ABS-CBN dahil sa Jadine
Naghain na ang kilalang TV/radio host na si Jobert Sucaldito ng reklamo kontra ABS-CBN sa opisina ni DOLE (Department of Labor and Employment) Secretary Silvestre Bello III sa Intramuros, Manila kahapon.
Kinagabihan ay nakausap namin si Kuya Jobert sa sing-along bar na pag-aari ni Boss Wowie, ang Music Box na matatagpuan sa Timog, Quezon City.
“You know, I’ve been quiet for two months already. Kasi, ayokong mabulabog ang mga friends natin at saka hoping din ako, eh, in a way,” panimula ni Kuya Jobert.
Ang pagpa-file raw niya ng kaso laban sa Dos, specifically sa radio station at pinagtatrabahuhan niyang DZMM, was a product of his decision at ng kanyang legal counsel and friend na si Atty. Ferdinand Topacio.
Nag-ugat daw ang desisyon ni Kuya Jobert na maghain ng reklamo laban sa istasyon sa isyu ng naghiwalay na real-and-reel partners na sina James Reid at Nadine Lustre.
“Late December, naging isyu ang balitang naghiwalay sila. A very reliable source whispered to me na totoong hiwalay. Kaya lang, since wala ngang ingay sa kanila, lumabas ‘yung isyu, all of a sudden, ‘di ba nagulat na lang tayo? Wala na silang balita actually nga, eh,” lahad ni Kuya Jobs.
Bigla na lang daw nag-flat ang isyu ng hiwalayan after James left Viva Entertainment, kasunod ang pagtatayo ng tatay ng aktor ng talent management, habang si Nadine naman ay under Viva’s management at nagpaplano raw na sundan si James. December 30, to be exact, lumabas sa front page ng BULGAR, na si Nadine ay nagbabanta na kapag iniwanan siya ni James, magpapakamatay siya. Kinagabihan ng December 30, Kuya Jobert scolded Nadine sa radio program nila ni Papa Ahwel Paz sa DZMM.
“So, pinangaralan ko siya. If you watched that video, lumabas sa FB (Facebook), eh. ‘Anak, don’t do that. If you’re heartbroken, natural lang ‘yun. There’s a proper way of handling that. Hindi mo kailangang magpakamatay sa lalaki,’ and so on, and so forth.
“Siya ang pinangaralan ko because bata, eh. Then, New Year came. After New Year, January 6, first day of work. Monday ‘yun, eh. Si Nadine, may pumutok na isyu sa kanila ni Ricky Lo (Philippine Star’s Entertainment editor). Kasi may isinulat si Ricly Lo sa kanya. May mali lang doon nang konti, may mali yata ‘yung nagamit na apelyido niya.
But you know, tapos, sumagot siya sa kanyang social media account lambasting Ricky Lo. Alam mo ‘yung dating, maangas? May angas ‘yung dating, which I found disrespectful as artist.”
Muling pinangaralan ni Kuya Jobert si Nadine na ‘di maganda ang ginawa nito kay Ricky Lo. Kahit nga raw ibang malalaking artista, hindi ginagawa ‘yan sa mga manunulat lalo na kay Ricky Lo.
Aniya, “Pinangaralan ko siya. It’s wrong. Kung meron kang hindi nagustuhan sa kanya, sabi ko sa kanya, ‘Why don’t you call him? Reach out to him. Tell your side of the story para mai-print niya.’ Kasi, madali namang mag-erratum, eh.
“Kaya lang that time rin, that was the time na ‘yung mga fans, binobomba tayong mga writers. Ang sinasabi nila, kapag nagkakagulo ang JaDine na ‘yan is because pinagpipilitan natin na hiwalay sila, eh, hindi naman totoo. Kumbaga, gumagawa lang tayo ng kuwento para meron tayong trabaho. Parang kulang na lang na sabihin nila, mga timawa tayo. Walang makain kung walang isyu sa JaDine.
“Ang sabi ko, ‘Without JaDine, mabubuhay kami. Eh, napakadaling labanan niyan, eh. Kung gusto ninyo, i-black out namin ang JaDine, si Nadine, huwag naming pag-usapan,’ something to that effect.”
Dugtong pa niya, “Eh, kung gusto ninyo na pag-usapan lang kayo, sabi ko, ‘Eh, ‘di ba, may pa-pictorial pa siya sa building?’ Sabi ko nga sa show na naka-panty siya, ‘Naka-thong siya? Eh, di sana tumalon na lang siya.’ That was a joke. Alam ko naman na medyo off. But, in our language, that was a joke.”
The next day daw, tinawagan siya ng station manager nila sa DZMM na si Marah Capuyan. Natutulog daw siya, kaya siya na lang ang tumawag pagkagising niya. Ang sabi raw sa kanya ni Capuyan, naalarma si Ms. Jing Reyes na head nila sa Integrated News & Current Affairs dahil may mga fans na nag-tag dito ng video na inaakusahan si Papa Jobs na nagpo-promote ng suicide dahil sa joke niya kay Nadine.
Pinag-apologize raw siya sa TV na ginawa naman niya and yet, pinadalhan siya ng letter ni Ms. Capuyan dated January 20 formally informing him that he’s suspended as DZMM anchor ng Showbuzz program nila.
Muli siyang pinadalhan ng sulat ng management noong January 30 reiterating its decision of his suspension until completion of the investigation on the matter.
Sa sulat ni Kuya Jobert na isinumite niya sa office ni Sec. Bello, ipinaliwanag niya na wala siyang nilabag na rule or provisions sa “Manual” ethics, since he conducted himself within the bonds of responsible journalism when he made the said commentaries.
Ang sabi sa sulat ni Kuya Jobert sa DOLE, “I never made any personal attacks on the honesty, integrity or personal qualities of Nadine nor made any vulgar, obscene or indecent language relative to the issue between her and Mr. Ricky Lo.” Base pa sa sulat ni Kuya Jobert, “On the other hand, there was a violation of my constitutional right to due process when I was suspended without pay effective of the very same day that I came to know of the decision of the management to suspend my services. I was never given the opportunity to be heard despite claims by the management that I was requested to explain why my statements in Showbuzz should not be considered as a breach of my contract and a ground for suspension and/or terminated.”
Sa huli, apela niya kay Sec. Bello sa pagpa-file niya ng case for constructive illegal dismissal against ABS-CBN Corporation na wala raw justifiable or reasonable ground sa pagsuspinde sa kanya. That’s it.
Comments