Red tide alert sa 8 lugar sa bansa

Itinaas ng Bureau of Fisheries and Aquatic Resources (BFAR) ang alerto ng red tide sa ilang baybayin sa apat na lalawigan sa bansa.

Sa ipinalabas na shellfish bulletin ng BFAR, natukoy na positibo sa mataas na antas ng paralytic shellfish ang mga baybayin sa Dauis at Tagbilaran City sa Bohol; gayundin sa Irong-Irong Bay at San Pedro Bay sa Western Samar; Cancabato Bay sa Tacloban City at Carigara Bay sa Leyte; Lianga Bay sa Surigao del Sur at Balite Bay sa Mati City, Davao Oriental.

Mahigpit na ipinagbabawal ng BFAR ang paghango, pagbebenta at pagkain ng lahat ng uri ng shellfish sa nasabing mga lugar dahil hindi ito ligtas na ikonsumo.

Gayunman, nilinaw ng BFAR na maaari pa ring humuli at kumain ng isda, hipon at pusit ngunit, kinakailangan lamang na malinis nang mabuti ang laman-loob at maluto nang maayos.