Leeg ng magsasaka tinaga ng bayaw

Nueva Ecija — Isang magsasaka ang nasa malubhang kalagayan nang tagain sa leeg ng kanyang bayaw kamakalawa sa Bgy. Obrero, Cabanatuan City.

Kinilala ng pulisya ang biktima na si Jesus Tablizo, samantalang ang suspek ay si Ireneo Sangalang, Sr., kapwa nakatira sa nasabing barangay.

Ayon sa ulat, nakita ni Ireneo, Sr. na nagsusuntukan ang anak niyang si Ireneo, Jr. at si Jesus at dahil dito, kumuha ng itak ang suspek at tinaga sa leeg ang kanyang bayaw.

Nang duguang bumagsak ang biktima ay mabilis na tumakas ang mag-amang Sangalang.

Kaagad namang dinala ng kanilang mga kamag-anak si Jesus sa ospital at kasalukuyan ay nasa malubha itong kalagayan.