Bradley, iginigiit si Porter vs. Pacman

Iminungkahi ni dating World Boxing Organization (WBO) welterweight champion Timothy “Desert Storm” Bradley kay eight-division world champion Manny “Pacman” Pacquiao na mas magiging kapana-panabik kung pipiliin nito si Shawn “Showtime” Porter na sunod na makalaban niya sa kanyang pagbabalik sa boxing ring. Ang 36-anyos na retiradong boksingero mula Palm Springs, California ay nagawang paayawin sa mundo ng boxing ng Fighting Senator noong 2016 matapos ang kanilang trilogy na nagtapos sa unanimous decision victory para sa Filipino boxing legend sa MGM Grand Garden Arena sa Las Vegas, Nevada.

Tinutukoy ni Bradley na dapat subukan ng kasalukuyang World Boxing Association (WBA) champ na kaharapin ang 32-anyos na dating World Boxing Council (WBC) 147-lbs titlist dahil tiyak na magiging eksplosibo at umaatikabo ang bakbakan ng dalawa.

“I would love to see him (Pacquiao) fight Shawn Porter, because, if he’s gonna fight somebody, fight Shawn Porter…because, that’s a collision,” pahayag ni Bradley sa panayam sa kanya ng FightHype.com. “That’s a fight. You know Shawn Porter ain’t running. So, he (Pacquiao) ain’t gotta go look for him. He’s gonna be right there in his grill, then it’s gonna be a war,” dagdag nito.

Sinabi ng two-time titlist na sakaling naghahanap ng isang makakalaban ang pambansang kamao na itinuturing nitong hindi umaatras sa laban, nakikita nitong nababagay sa kanya ang istilo ni Porter na tulad nitong palaban kahit kanino.

“Pacquiao’s a legend. But if he wants to put on a great show and have a great fight which Pacquiao always wants to put on a show, why not fight a guy like Shawn Porter who is really humble just like he is. A guy who is workhorse just like he is. A guy who is not gonna run or go anywhere, he is gonna be right in your face all night long so you ain’t gotta look for him….I just think it’s a great compelling style where they just go head to head, it’s going to be explosive, these guys are gonna take each other out. Somebody is gonna go in that type of fight.”

Wala pang pormal na inaanunsiyo ang kampo ni Pacquiao kung sino ang makakalaban nitong sunod, kahit pa man may mga lumutang nang pangalan tulad nina Porter, Mikey Garcia, Danny Garcia, Errol Spence, Conor McGregor at ang inaasam nitong si Floyd “Pretty Boy” Mayweather. Gayunpaman, idinagdag ni Bradley na malaki ang posibilidad na matuloy ang laban nila ni two-division Mixed Martial Arts champion na si McGregor. “It could happen,” sambit nito. “Manny Pacquiao-McGregor, it could happen, yeah. Manny Pacquiao still has a great name in boxing, a warrior. Then, you got Conor McGregor, the hugest name in MMA. Yeah, the fight could happen.”