Tiniyak ng DOE.. Walang brownout sa summer

Walang rotational brownout sa pagpasok ng summer o tag-init sa bansa. Ito ay ayon sa Department of Energy (DOE).

Ayon kay DOE Electric Power Industry Mgt. Bureau, (EPIMB) Director Mario Marasigan, base sa kanilang projection, hindi magkakaroon ng red alert o sobrang pagnipis sa supply ng kuryente mula Abril hanggang Hunyo.

Gayunman, posible pa ring magkaroon ng brownout sakaling magkaroon ng problema sa mga planta ng kuryente.

Samantala, palaki nang palaki na ang demand ng kuryente sa bansa dahil sa paglobo ng populasyon at dumarami na rin ang mga gumagamit ng cooling system tulad ng air-condition.

Dumarami na rin ang mga itinatayong establisimyento na gumagamit ng kuryente, kabilang na ang malalaking mall na isa sa pinakamalakas gumamit ng kuryente.