Kita ng ABS-CBN, mga dayuhan ang nakikinabang, todo-paawa sa pagpapasara

Ka Ambo / Bistado

MARAMI ang hindi nakauunawa ng sitwasyon ng ABS-CBN. Pumopostura silang inaapi, gayung ang net income nila ay dinadala sa mga foreign investors!

***

SOSYOHAN sa kapital ng TV station ang isyu, hindi ang press freedom. Hindi isyu kung nakatutulong sa publiko ang kumpanya. Lahat ng tao, grupo o institusyon ay tumutulong sa kapwa at hindi lang ang ABS-CBN!

***

MAY labor problem sa loob ng ABS-CBN at marami silang sinibak nang nagrereklamo ng pang-aapi. Ibig sabihin, ginagamit na panggatong sa damdamin ng taumbayan ang mga kawani!

***

KAHIT walang prangkisa, puwede namang mag-exist ang ABS-CBN. Digital na ngayon at hindi nakasandal ang multimedia sa airwaves lamang!

***

MAKABUBUTI ang problema sa ABS-CBN sa larangan ng media, mapupuwersa ang mga ehekutibo na mag-innovate at i-maximized ang modernong teknolohiya. Malaking hamon ito sa mga IT experts!

***

IBINABALA na ang krisis sa tubig at kuryente. Pero waley lang ang Malacañang!

***

INIENDORSO ni P-Digong ang local tourism. Pwes, ilibre niya ang pamasahe sa eroplano!

***

PINANDIRIHAN ang mga Tsino. Matagal na ‘yan!

***

NABAWASAN na ang biktima ng COVID-19. Siyempre, nangamatay na, eh!

***

SINUSUNOG daw agad ang mga kumpirmadong may COVID-19. Parang African Swine Fever (ASF), inililibing ang mga baboy kapag nilagnat!

***

BIGO ang China na pamahalaan ang isang bilyong tao. Kapag hindi nagrebolusyon, malilipol sila nang walang kalaban-laban!