20 miyembro ng BIFF, sumurender
- Pabs Hernandez III
- Feb 22, 2020
- 1 min read
North Cotabato — Dalawampung miyembro ng Bangsamoro Islamic Freedom Fighters (BIFF) ang sumuko kamakalawa sa pamahalaan sa bayan ng Carmen.
Para sa kanilang seguridad, hindi na pinangalanan ng mga awtoridad ang mga teroristang sumuko sa headquarters ng Philippine Army (PA) sa nasabing lalawigan.
Nabatid na isinuko rin ng mga miyembro ng BIFF ang kanilang mga armas at bala.
Ayon sa mga sumukong terorista, nais na nilang magbagong-buhay kaya nagbalik-loob na sila sa pamahalaan.
Isinasailalim na sa taktikal na interogasyon ang mga sumukong terorista upang matiyak na bukal sa kanilang kalooban ang pagbabalik-loob sa gobyerno.
Comments