Pinagri-resign, mas bagay daw na bodyguard ni P-Du30… Sen. Bato kay DJ ChaCha: Ibinoto ako ng 19 mil

Beth Gelena / Bulgary Files

Hindi lang pala pinagri-resign at pinagba-bodyguard kay P-Duterte ni DJ Chacha si Sen. Bato dela Rosa dahil may mga patutsada pa siya sa senador na nagsabing wala siyang paki sa 11,000 empleyado ng ABS-CBN na mawawa­lan ng trabaho kumpara raw sa milyun-milyong Pilipinong pinagsamantalahan ng Kapamilya Network.

Sey ni DJ Chacha na napakata­pang, “Naniniwala akong mas mahal ni Bato ang Pangulo kaysa sa asawa niya. Nangako pa hanggang kamatayan! Taray! IBA.”

“‘Yan ang mahirap, kapag mahilig kayong bu­moto ng mga pulitikong PUPPET ang role sa gob­yerno. ‘Wag kang umasa na marunong silang tu­mayo at ipaglaban ang tama kasi nagpa-function ang utak nila alinsunod sa pinuno nila.”

May pang-iinsulto pa siyang ang susunod daw ni­yang gagawin sa kanyang vlog ay ang pagbibigay ng tips kung paano makakakuha ng 10 years Multiple U.S. Visa para raw ‘di mag-tantrums ang senador.

Ayaw paawat ni DJ Chacha, mainit talaga ang dugo niya sa senador. Aniya, “When you’re a public servant and your loyalty is towards a person and not towards the country, ang tawag d’yan, TUTA!”

Samantala, sinagot pala ni Sen. Bato ang paha­yag ni DJ Chacha na mag-resign na lang siya.

Sa isang video interview, sey ni Sen. Bato, “In the first place, sino siya para magpa-resign sa akin? Hindi naman ako… I was voted upon by 19 million Filipinos at siya, hindi niya ako ibinoto. Ang ibinoto niya, ‘yung mga talo! Ngayon, pagre-resign-in niya ako!? Who you!? Sabihan mo siya, ‘Who you?’”

‘Kalokah! Pareho silang ayaw magpatalo!