Epekto ng COVID-19: ONE Singapore, closed-door live event muna

Photo: onefc

Inanunsiyo ng ONE Championship na nagpasya na ang kumpanya na gawin na lamang closed-door event ang isang live events nila. Ang ONE: King of the Jungle, ay nakaiskedyul ng Biyernes Peb. 28 sa Singapore na una nang naging plano pero ang Singapore Indoor Stadium ay isasara sa fans at media.

Ang desisyon ay ginawa dahil na rin sa sitwasyon sa Singapore kung saan dumarami ang impektado ng Coronavirus Disease doon (COVID-19). Itinaas ng Singapore Ministry of Health kamakailan ang antas na mula dilaw hanggang orange ang Disease Outbreak Response System Condition (DORSCON) matapos makumpirmang may 75 kaso na ng mga impektado ng sakit doon.

Ginawa ni ONE Chairman at CEO Chatri Sityodtong ang anunsiyo na closed-door ang event sa kanyang social media accounts dahil na rin sa napakaraming pressure na tanong mula sa media sa conference call. “In light of the coronavirus situation in Singapore, I have made the decision to convert ONE: King of the Jungle on February 28 into a closed event for broadcast only. The Singapore Indoor Stadium will not be open to the general public, but the event will proceed behind closed doors as scheduled live on all TV and digital platforms across 150+ countries around the world,” saad ni Sityodtong sa kanyang official Facebook page. Ang fans na nakabili na ng tiket sa event ay bibigyan ng full refund. Lahat ng laban na nakaiskedyul ay mapapanood via TV at digital platforms worldwide maging sa ONE Super App.

Ang main event ng ONE: King of the Jungle ay katatampukan ng two-sport ONE World Champion Stamp Fairtex ng Thailand na dedepensa ng kanyang ONE Atomweight Kickboxing World Title kontra Janet “J.T.” Todd ng U.S. Sa co-main event, sasagupa si reigning ONE Strawweight Kickboxing World Champion Sam-A Gaiyanghadao ng Thailand kay Lachlan “Rocky” Ogden ng Australia para sa ONE Strawweight Muay Thai World Title. Kakatawanin ang Singapore sa global stage ni former ONE World Title challenger Amir Khan, kasama si Singaporean stars Tiffany “No Chill” Teo at Radeem Rahman.