“Phl Equestrian, preparado may ibubuga” - Coscolluela

Photo: foxsports

Hindi maikakailang sa nakaraang 10 taon ay lumikha ng pangalan at podiumer maging sa mga international competition ang mga Pinoy equestrian. Dati na ring pinatunayan nina Colin Syquia, Joker Arroyo at multi-titled Toni Leviste na hindi pahuhuli ang Pinoy equestrienne.

Sa mga panahon na itinatag ang Equestrian Philippines, Inc. ay humakot na rin ng parangal ang mga batang riders tulad nina Minxie Romualdez, Alex Ynares-Villalon, Nicole Camcam at Paola Lorenzo. “We’re happy and grateful with the series of success of our local riders in tournament abroad. It’s unprecedented achievements for the equestrian community in the short time that Equestrian Philippines, Inc. has taken initiatives to revitalize the sports,” pahayag ni Equestrian PH president Carissa Coscolluela sa maigsing pakikipag-usap sa mga miyembro ng Tabloids Organization in Philippine Sports (TOPS) sa Makati City.

Iginiit ni Leviste, vice president ng grupo, na nagkakaisa ang equestrian community sa pangangailangan ng isang kongkretong programa, higit sa grassroots level upang mapataas ang kalidad ng mga ‘aspiring riders’ at mabigyan sila ng tamang venue para maipakita ang angking kakayahan. “We’re united in this cause. Kahit kami-kami na ang mag-ambagan para sa budget, gagawin namin for the love of equestrian. Luckily, the Philippine Sports Commission (PSC) under Chairman William Ramirez is also there to lend a helping hand. They’re supporting us in our participation abroad,” sambit ni Leviste.

Nakamit ni Leviste, kasama sina Joker Arroyo at Colin Syquia, ang silver medal sa team competition sa Federation Equestre Internationale Asian Championships nitong Disyembre sa Pattaya, Thailand. Sumabak ang Team PHL sa torneo matapos mabigong maisama ang equestrian sa calendar of sports sa 30th SEAG sa Manila sa naturan ding buwan.

“We submitted the team’s accomplishment to PSC. Natuwa naman si Chairman Ramirez lalo na sa success ng ating junior team,” ayon kay Leviste. Nakamit ng PHL junior squad na binubuo nina Romualdez, Ynarez-Villalon, Camcam-Lorenzo, Lara Zobel at Mohamed el Akkad ang gintong medalya sa team competition ng Rider Tour sa Malaysia. Ito ang ikatlong serye ng Tour na unang ginawa sa Manila noong Setyembre at sa Kuala Lumpur noong Disyembre. “Hindi na namin iniintindi kung ano ang magagawa ng asosasyon namin sa mga atleta. In our own initiative, kikilos na lang kami and the recent success of our riders prove, that we can,” pahayag ni Coscolluela.