Bangkay ng biktima ng pagputok ng Bulkang Taal, natagpuan

Nadiskubre ang bangkay ng isa umanong biktima ng pagputok ng Taal Volcano sa bahagi ng bulkan na sakop ng bayan ng San Nicolas sa Batangas, nitong Sabado.

Alas-12:30 ng tanghali nang makita ang katawan ni Marlon Deteral, na una nang iniulat na nawawala makaraang sumabog ang bulkan noong Enero 12.

Ayon sa paunang ulat ng CALABARZON Police, natagpuang nakabaon sa putik sa Isla ng Taal ang biktima.

Isang may-ari ng flatboat na naghuhukay ng kanyang bangka na natabunan din ng putik ang nakakita sa biktima.

Labis ang pagdadalamhati ng pamilya ni Deteral na saktong kaarawan din nito nang matagpuan ang kanyang bangkay.