Kontrabando sa customs at illegal drugs, COVID-19 lang pala ang makakapagpa-stop
Bumaba na ang bilang ng nagkakasakit ng COVID-19 sa China.
Iyan ang ipinamamalita ng Beijing.
◘◘◘
NAGBUBUGA na naman ng makapal na usok ang Bulkang Taal.
Balik-Batangas ang media.
◘◘◘
BINAWI na ang travel ban sa Taiwan.
Natakot sila sa bantang boykot kontra Pinoy.
◘◘◘
BUBUWAGIN na rin ang Enhanced Defense Cooperation Agreement (EDCA) ng US.
Nagtatalon sa tuwa ang CPP-NPA.
◘◘◘
LUMINDOL sa Batanes.
Huh, ninerbiyos ang mga turista.
◘◘◘
NALULUGI ang aviation at tourism industry sa buong daigdig.
Ang epekto nito ay mararamdam sa Hunyo, Hulyo at Agosto.
Maghigpit ng sinturon.
◘◘◘
PINASABOG ng mga pasaway na paslit ang isang bungkos na lobo ng isang vendor.
Ang resulta: Sumabog ang hydrogen sa mukha ng pobreng tindero.
◘◘◘
DUMAMI ang biktima ng COVID-19 sa isang cruise ship na nakadaong sa
Japan.
Kahit ang ubod nang yaman ay hindi sinasanto ng virus.
◘◘◘
NATIGIL na ang pagpupuslit ng kontrabando sa Customs.
Kasi karaniwang nagmumula ito sa China.
Natakot ang mga ismagler na mahawa sila.
◘◘◘
INAASAHANG mawawalan ng suplay ng shabu sa Pilipinas.
Bakit? Kasi ang mga Chinese drug lord ay nagtago muna dahil sa takot sa COVID-19.
Comments